Шығыс Қазақстанда бұқаралық спортты дамытуға ерекше көңіл бөлінген. Биыл өңірде 3 мыңнан астам спорттық шара өткізіліп, спортшылар 3,5 мыңнан астам медаль жеңіп алды, деп хабарлайды F16.kz.
Орталық коммуникациялар қызметі алаңында өткен баспасөз мәслихатында ШҚО әкімі Нұрымбет Сақтағанов өңір спортшыларының қол жеткізген жетістіктері туралы айтып берді.
Биыл Өскеменнің «Торпедо» хоккей клубы ел кубогын иеленсе, облыстың әйелдер волейбол командасы ұлттық лигада екінші орынды алды. Ал «Алтай» футбол клубы Бірінші лигада қола медаль жеңіп, Премьер-лигаға шықты. Бұл өңірде үлкен футболды қайта жандандыруға маңызды серпін берді, – деді аймақ басшысы.
