Еліміздің бірқатар аймағында ауа райының қолайсыздығына байланысты дауылды ескерту жарияланды. Синоптиктердің болжамына сүйенсек, Шығыс Қазақстан облысының солтүстігі мен шығысында да қар жауып, боран соғып, көктайғақ болуы мүмкін, деп хабарлайды F16.kz.
Өскеменде көктайғақ болады.
«ҚазАвтоЖол» мекемесі еліміздің 14 облысында ауа райының қолайсыздығына байланысты жүргізулішерге ескерту жасады.
6 наурызда Ақмола, Алматы, Ақтөбе, Батыс Қазақстан, Солтүстік Қазақстан, Шығыс Қазақстан, Абай, Жамбыл, Жетісу, Қарағанды, Қостанай, Қызылорда, Павлодар және Ұлытау облыстарының кей жерлерінде қар мен боран болуы мүмкін, — делінген хабарламада.
Сол себепті жүргізушілерге жылдамдық режимі мен қауіпсіз арақашықтықты сақтап, жолдардағы ауа райы мен жолдардың жағдайы туралы мәліметтеді назарға алу керектігі ескертілді.
