Бүгін — Жаңару күні. Биыл Наурызнаманың алтыншы күні цифрлық трансформация тақырыбына арналды, деп хабарлайды F16.kz.
Жаңару — табиғат пен адамның жаңаруы, жанның тазаруы және жаңа өмірдің басталуы. Бұл күн ел мен әрбір қазақстандықтың өмірінде жаңа белестің басталуын білдіреді.
Айта кетейік, Мемлекет басшысы Қасым-Жомарт Тоқаев биылғы жылды Цифрландыру және жасанды интеллект жылы деп бекіткені белгілі. Яғни Жаңару күні биылдан бастап цифрлық трансформацияны насихаттамақ.
Бұл күні барлық өңірде цифрлық даму бағытындағы AI, IT, VR, роботехника саласындағы жобалар таныстырылады. Елдегі жаңашылдықтар, ғылыми үдерістер, оқушылар мен студенттердің интеллектуалды еңбегі көрініс табады.
Қазақстан үшін Наурыз мейрамы тек қуанышты тойлау ғана емес, өткенді саралап, болашаққа жоспар құрудың уақыты.
