Үлкен Нарын ауданының Малонарым ауылында «Заң мен тәртіп» қағидатын іске асыру аясында аудан тұрғындарымен маңызды кездесу ұйымдастырылды.
Шараның негізгі мақсаты – жастар арасындағы құқық бұзушылықтың, буллингтің, интернет алаяқтықтың және өзге де әлеуметтік қауіптердің алдын алу, сондай-ақ құқықтық мәдениетті қалыптастыру болды.
«Құқықтық мемлекет және азаматтық қоғам» тақырыбында өткен кездесуде заңның қоғамдағы орны, әділеттілік пен тәртіпті қамтамасыз етудегі маңызы туралы айтылды. Сонымен қатар құқық бұзушылықтың алдын алу, буллинг пен лудоманияның зияны, интернет кеңістігіндегі қауіпсіздік мәселелері жан-жақты талқыланды.
Шараға аудандық полиция бөлімінің қызметкерлері мен Жастар ресурстық орталығының өкілдері қатысып, тұрғындарға нақты мысалдар арқылы түсіндірді, қатысушылардың сұрақтарына жауап берді.
Кездесу соңында заң мен тәртіпке негізделген әділетті қоғам құруда әрбір азаматтың жауапкершілігі мен белсенді ұстанымы ерекше маңызды екені атап өтілді.
