25–26 шілде күндері Астана қаласындағы QAZAQ CREATIVE HUB алаңында Шығыс Қазақстан облысының креативті әлеуеті таныстырылады. Шара Креативті индустрияларды дамыту қорының Creative Aimaq жобасы аясында ұйымдастырылып отыр, деп хабарлайды F16.kz.
Екі күн бойы бас қаланың тұрғындары мен қонақтары өңірдің талантты қолөнершілері, дизайнерлері, суретшілері, шығармашылық кәсіпкерлері мен креативті жобалар авторларының жұмыстарымен таныса алады.
Іс-шара барысында бірегей өнімдер көрмесі мен жәрмеңке, қолөнер, дизайн және шығармашылық бағыттар бойынша шеберлік сабақтары және Шығыс Қазақстанның үздік өнерпаздарының қатысуымен өтетін кешкі концерт өтеді.
Одан бөлек, жәмеңке барысында ұйымдастырылатын ұтыс ойынында Шығыс Қазақстан облысының ең көрікті туристік демалыс аймақтарына екі адамға арналған жолдамалар ойнатылады.
Көрме 25–26 шілде күндері Астана қаласы, Жошы хан көшесі, 16/2 мекенжайында өтеді.
