Денсаулық сақтау министрі Ақмарал Әлназарова Үкімет отырысында елдегі эпидемиологиялық ахуалды баяндады, деп хабарлайды F16.kz.
Оның айтуынша, эпидемиологиялық маусым басынан ЖРВИ-дің 1 461 мың жағдайы тіркелген. Осылайша, былтырғы көрсеткішпен салыстырғанда биыл аурушаңдық 20%-ға төмендегені байқалады.
Жыл сайын республикада ЖРВИ-дің 3,5 млн жағдайы және тұмаудың 2 мыңға дейінгі жағдайы тіркеледі. Биыл эпидемиологиялық маусым басынан ЖРВИ-дің 1 461 мың жағдайы анықталды. Басым бөлігі — 66 пайыздан астамы 14 жасқа дейінгі балалар арасында тіркеліп жатыр. Соңғы аптада республикада вирустық инфекциялардың 183 мың жағдайы тіркеліп, өткен эпидемиологиялық маусымның осындай аптасымен салыстырғанда аурушаңдық 16 пайыз артып отыр, — деді ол.
Министрдің өз сөзінде биыл аталған вирустардың таралуы жылдағыдан ерте байқалғанын да атар өтті.
Эпидмаусым басталғалы бері тұмаудың А типінің (H3N2 — Қазақстанда 2001 жылдан бері Гонконг тұмауы деп аталады), зертханалық расталған 587 жағдайы, оның ішінде А (H1N1) типінің 3 жағдайы тіркелді. Алдыңғы жылдары тұмау циркуляциясы 43-ші, 51-ші апталарда, жаңа жылға таман өсу байқалса, биыл ерте анықталып, 41 аптада басталды, яғни қазан айының бірінші жартысына сәйкес келіп отыр. Болжам бойынша өсім желтоқсан айының ортасына дейін сақталуы мүмкін, — деді Ақмарал Әлназарова.
