Түркістанда жалауы желбіреген колледж студенттері арасындағы «Еңбек кубогы» республикалық спартакиадасында Шығыс Қазақстан облысының құрама командасы спорттың бірнеше түрінен сынға түсіп жатыр, деп хабарлайды F16.kz.
Шығыс Қазақстан облыстық білім басқармасының мәлімдеуінше, дүбірлі бәсекеде техникалық және кәсіби—техникалық ұйымдардың, сондай—ақ орта білім мекемелерінен кейінгі жоғары оқу орындарының студенттері қатысып, «кім мықтыны» анықтайды. Республикалық спартакиада аттанған Шығыстың командасы тоғызқұмалақ, шахмат, үстел теннисі, волейбол, баскетбол сынды спорт түрлерінен жүлдеге таласады.
Атап айтқанда, тоғызқұмалақтан Шығыс Қазақстан медициналық колледжінің, шахмат пен үстел теннисінен Д.Серікбаев атындағы ШҚТУ-дың жоғары IT—колледжінің, қыздар арасындағы волейболдан Қазақстан—Американ еркін университетінің жоғары коледжінің, үлдар арасындағы волейболдан Абай атындағы Шығыс Қазақстан гуманитарлық колледжінің, ұлдар арасындағы баскетболдан Көлік және өмір қауіпсіздігі колледжінің командалары өнер көрсетіп жатыр.
Фото: ШҚО білім басқармасы
