Өңірде кене шағуы салдарынан медициналық көмекке жүгінгендердің саны күн өткен сайын артып келеді. Бүгінде 2 мыңнан астам жағдай тіркелген, деп хабарлайды F16.kz.
Кене шаққандардың ішінде 28,2 пайызы – балалар.
2155 адам медицицналық көмекке жүгінген. Өткен жылдың осы кезеңімен салыстырғанда өтініштер саны 632 жағдайға азайды, — деп атап өтті облыстық санитариялық-эпидемиологиялық бақылау департаменті басшысының міндетін атқарушы Сәуле Слямғазина.
Департаменттің мәліметіне сүйенсек, зардап щеккен жандардың басым бөлігіне алдын алу шаралары көрсетілген.
Биылғы кезеңде Өскеменде кене энцефалиті бір адамда зертханалық жолмен расталдды және Зайсан ауданында боррелиозға (Лайм ауруы) шалыққан екі жағдайы анықталды, — дейді Сәуле Слямғазина.
Департамент өкілдері облыс тұрғындарына кенелердің адам өміріне қауіпті бірқатар инфекцияны тасымалдайтынын ескертеді. Сонымен қатар созылмалы аурулардың асқынуына және аллергиялық реакцияларға себеп болуы мүмкін.
