Шығыс Қазақстан облысында жастар арасында экологиялық мәдениетті қалыптастыру және волонтерлік қозғалысты дамытуға бағытталған кездесулер өтті, деп хабарлайды F16.kz.
Іс-шара аясында жастар «Ұлттық волонтерлік желі» ЗТБ атқарушы директоры Татьяна Миронюк және волонтерлік саласының ұлттық сарапшысы Елена Амреевамен кездесті.
Кездесуде волонтерлік қозғалысты дамыту, экологиялық бастамаларды жүзеге асыру, жастарды қоғамдық жұмыстарға тарту және өңірдегі волонтерліктің алдағы даму жоспарлары талқыланды.
Сондай-ақ студенттер мен мектеп оқушылары үшін «ҚЭДО» қоғамдық бірлестігінің жетекшісі Танир Яссамен мотивациялық кездесу ұйымдастырылды. Жастар азаматтық белсенділік, көшбасшылық қабілеттерді дамыту және әлеуметтік жобаларға қатысу мәселелері бойынша пікір алмасты.
Кездесулер барысында волонтерлердің экологиялық және әлеуметтік өзекті мәселелерді шешудегі рөліне, жастарды қолдау мен азаматтық қоғамды дамытуға бағытталған мемлекеттік саясатты іске асыруға ерекше назар аударылды. Спикерлер экологияны сақтау, халықтың экологиялық мәдениетін арттыру және қоғамдық ынтымақтастықты нығайту мақсатындағы волонтерлік қызметке жастарды тартудың маңызына тоқталды, — дейді ұйымдастырушылар.
Мамандар мұндай кездесулер жастардың тәжірибе алмасуына, жаңа жобаларды талқылауына және волонтерлік ұйымдар мен мемлекеттік құрылымдар арасындағы байланысты нығайтуға мүмкіндік беретінін атап өтті. Қатысушылар алған тәжірибесін алдағы уақытта экологиялық жобаларды жүзеге асыру барысында қолданбақ.
