Қазақстандықтар енді автокөлікті сатып алу құқығымен ұзақ мерзімге жалға ала алады. Өнеркәсіп және құрылыс министрлігі азаматтарға темір тұлпар сатып алу мүмкіндіктері кеңейтіліп жатқанын мәлімдеді, деп хабарлайды F16.kz.
Халықаралық тәжірибеге сәйкес, жеке тұлғалар үшін жеңіл автокөлік сатып алуға лизинг тетігі енгізілуде. Лизинг – автокөлікті меншікке сатып алу құқығы мен ұзақ мерзімді жалдау. Бұл шаралар халықтың әл-ауқатын жақсартуға және азаматтардың автокөлік сатып алу мүмкіндіктерін кеңейтуге бағытталған, – деді өнеркәсіп және құрылыс министрі Ерсайын Нағаспаев.
Сондай-ақ министр отандық автоөндірушілер мен екінші деңгейлі банктер халықтың жеңіл автокөлік сатып алуын қаржыландыруды жалғастыра беретінін жеткізді.
