Елдегі туристік аймақтар Starlink спутник желісіне қосылады. Бұл туралы Премьер-министр Олжас Бектенов мәлім етті, деп хабарлайды F16.kz.
Үкімет басшысы туристік аймақтарды интернетпен қамту мәселесі жөніндегі депутат сұрағына жауап бере отырып, Қазақстанда 13 тамыздан Starlink спутник жүйесі жұмыс істей бастағанын атап өтті.
Биылғы 20 тамызда облыстардың, сондай-ақ Астана, Алматы және Шымкент қалаларының әкімдіктерімен бірлескен кеңес өтті. Кеңесте өңірлерге туристік аймақтарды интернетпен қамтамасыз етуде спутник технологияларды қолдану мүмкіндігін қарастыру ұсынылды, – деді Олжас Бектенов.
Премьер-министр туристік нысандар интернетпен толық қамтылады деп сендірді. 2027 жылдың соңына дейін Қазақстан нарығында Amazon Kuiper және Shanghai Spacecom Satellite Technology Co., Ltd. операторлары қызмет көрсетпек.
