Қыс мезгілі жақындаған сайын жолдардың жабылуы, боран кезіндегі шектеулер және төтенше жағдайлар туралы ескертулер жиілейді. Алайда кейбір жүргізушілер қауіпке қарамастан жолға шығуды жалғастырады. Келер жылдан бастап мұндай әрекет үшін салынатын айыппұл көлемі ұлғайды, деп хабарлайды F16.kz.
Келер жылдан бастап жол жабылғаны туралы ескертуді елемей, қозғалысты жалғастырған жүргізушілерге салынатын айыппұл 129 мың теңге болады. Қазір бұл 117 960 теңге мөлшерінде. Айыппұл мөлшерінің артуы айлық есептік көрсеткіштің жаңаруына байланысты.
Қолданыстағы ережеге сәйкес, боран кезінде немесе техногендік апат уақытында уәкілетті органдардың талабына бағынбаған азаматтар әкімшілік жауапкершілікке тартылады. Оларға айыппұл немесе 15 тәулікке дейін қамау шарасы қолданылуы мүмкін.
Егер дәл осындай заңбұзушылық бір жыл ішінде қайталанса, жаза қатаңдай түседі: қамау мерзімі 5 тәулікке дейін ұзарады немесе 50 айлық есептік көрсеткіш көлемінде айыппұл салынады. Бұл шамамен — 216 250 теңге.
Жүргізушілер үшін басты талап – төтенше жағдай кезінде қауіпсіздік нормаларын сақтау. Ескертуді елемеу тек айыппұлға ғана емес, өз өміріне де қауіп төндіретінін естен шығармаған жөн.
