Марқакөл мен Катонқарағай аудандарын жалғайтын Ескі ауcтриялық жолдағы тозығы жеткен ағаш көпір жөнделіп жатыр, деп хабарлайды F16.kz.
Бұл көпір Марқакөл ауданына қарасты аумақта орналасқан. Жөндеу жұмысын ауыл әкімдігінің, «Марқакөл» мемлекеттік табиғи қорығы және орман шаруашылығының қызметкерлері бірлесіп атқарып жатыр. Құрылыс барысында қауіпсіздік шаралары мен экологиялық талаптар қатаң сақталған.
Жөндеу жұмысы аяқталған соң, жол қозғалысы қауіпсіздігі артып, жергілікті тұрғындар мен туристер үшін қатынас анағұрлым ыңғайлы болатынын айтады мамандар.
