Шығыстың бас шаһарындағы Амфитеатр алаңында үлкен мерекелік Open Air концерті өтті. Кеш қонақтарының өнерін тамашалау үшін биыл абаттандырылған демалыс орнына 25 мыңға жуық көрермен жиналды, деп хабарлайды F16.kz.
Мерекелік кешке жиналғандардың басым бөлігі танымал эстрада жұлдыздарының өнерін тамашалауға жиналған. Open Air концертіне арнайы келген әншілер Kalifarniya, Ayree және Sadraddin жиналған жұртшылыққа сүйіп тыңдайтын хит әндері мен ерекше әсер сыйлады.
Балаларымды бұл әншілерді жақсы біледі. Қосылып ән шырқап, би биледік. Өте жақсы демалыс болды. Соңғы кездері осындай шаралар қаламызда жиі ұйымдастырылып жүр. Балалар да, өзім де қуаныштымын, — дейді қала тұрғыны Гаухар Қазыбекқызы.
Кеш соңында дрон-шоу ұйымдастырылды. Түнгі аспанда түрлі-түсті бейнелер мен «Таза Қазақстан», «Адал азамат», «Заң және тәртіп» жазулары, сондай-ақ Қазақстан Республикасының Мемлекеттік Туы бейнеленді.
