Биылғы 12 қазанда Ұлы Отан соғысының ардагері Александра Саратовцева 100 жылдық мерейтойын атап өтті. Ғасыр жасаған әжейді Шығыс Қазақстан облысы қорғаныс істері департаментінің өкілдері арнайы құттықтады, деп хабарлайды F16.kz.
1925 жылы Ресейдің Пенза облысында дүниеге келген Александра Саратовцева соғыс басталғанда небары 16 жаста еді. Ол 19 жасында майданға аттанып, құрылыс взводы құрамында көпір салуға қатысты. Майдан шебіне жақын жерде ауыр еңбекке ерлермен бірге белсене араласып, жеңісті жақындатуға үлес қосты. Атап айтқанда, Днепр өзенінен өтетін көпір құрылысына жарты жылын арнады. Жауынгерлермен бірге күн-түн демей жұмыс істеп, Ұлы Жеңісті Польшаның Новый-Сонч қаласында қарсы алды. Соғыстан кейін туған ауылына оралып, тұрмыс құрып, екі қыз тәрбиелеп өсірді.
1953 жылы Ақтөбеге қоныс аударып, еңбек жолын жалғастырған ардагер 2019 жылы Өскеменге, қызының қолына көшіп келді.
Мерейтой иесін Шығыс Қазақстан облысының қорғаныс істері жөніндегі департаменті құттықтап, естелік сыйлықтар мен қорғаныс министрі Дәурен Қосановтың құттықтау хатын табыстады.
Александра Тихоновнаның өмір жолы – нағыз ерлік пен Отанға адал қызмет етудің жарқын үлгісі, — деді майор Әсет Адамбаев.
Сонымен қатар әскерилер ардагердің қызы Варвара Николаевнаға анасына көрсеткен қамқорлығы үшін ризашылық білдірілді.
