27 қыркүйек күні облыстық Көпсалалы онкология және хирургия орталығында және барлық аудандық ауруханаларда гинекологиялық қатерлі ісіктің алдын алу бойынша ашық есік күні өтеді, деп хабарлайды F16.kz.
Шара гинекологиялық қатерлі ісікке қарсы ақпараттандыру апталығы аясында ұйымдастарылады.
Сенбі күні сағат 9.00-ден 13.00-ге дейін әйелдер онкогинекологтардан тегін кеңес алып, толғандырған сұрақтарын қоя алады. Дәрігердің жолдамасы талап етілмейді, тек жеке куәлік болса жеткілікті.
Өңірде қауіпті аурулардың алдын алып, ерте анықтауға ерекше көңіл бөлініп жатыр. Биыл 7 ай ішінде шамамен 4 мың жасөспірімге адам папиллома вирусына қарсы екпе салынды, — дейді ШҚО денсаулық сақтау басқарма басшысының орынбасары Айнаш Қапанова.
Мамандар дер кезінде тексеріліп, скринингтен уақытылы өту қатерлі ісік қаупін айтарлықтай төмендететінін айтады.
