Глубокое ауданы Белоусовка кентінің тұрғыны «Ауыл аманаты» бағдарламасына қатысып, бүгінде табысты ісін дөңгелетіп отыр, деп хабарлайды F16.kz.
Кәсіпкер Амантай Танкаев отбасылық шаруашылығын дамытуға және ет өнімдерін қайта өңдеу ісін жолға қою үшін «AMANAT» партиясының аудандық филиалына, аудандық кәсіпкерлік және ауыл шаруашылығы бөліміне жүгінген. Қолдау тапқан жоба жеңілдетілген несие арқылы қаржыландырылып, кәсіпкер заманауи құрал-жабдық сатып алған.
Бүгінде ол жұбайымен бірге қақталған және вакуумдалған қазы, жая, колбаса түрлерін, жартылай дайын өнімдер, тұшпара, манты және вареники өндіріп отыр.
«AMANAT» партиясының қолдауы мен «Ауыл аманаты» бағдарламасының арқасында ойға алған істі іске асыруға мүмкіндік болды. Мұнымен тоқтап қалмаймыз, қазір өнідірісті кеңейту жоспарын қолға алып жатырмыз. Жергілікті жұрт біз өндіретін өнімдердің таза, табиғи екенін жақсы біледі. Сондықтан күн сайын сұраныс артып келеді, — деді жеке кәсіпкер Амантай Танкаев.
«Ауыл аманаты» бағдарламасы шағын және орта кәсіпкерлік дамытып, тұрғындардың табысын арттыруға және өңірлік экономиканы нығайтуға өз септігін тигізіп келеді.
