Шығыс Қазақстан облысы Глубокое ауылында кәріз құдығына түсіп, жұмыс істеп жатқан үш жұмысшы газдан уланып қалды. Зардап шеккендерге дер кезінде көмек көрсетілді, деп хабарлайды F16.kz.
Оқиға орнына алғашқылардың бірі болып жеткен аудандық төтенше жағдайлар бөлімінің бастығы Константин Боровиков пен әкімдік аппаратының төтенше жағдайлар және азаматтық қорғау саласы бойынша бас маманы Темірлан Кеңесқанов жедел әрекет етіп, құдық ішінде қалған екі адамды сыртқа алып шыққан. Үшінші жұмысшы өзі шыққан.
Зардап шеккендер аудандық орталық ауруханаға жеткізіліп, оларға қажетті медициналық көмек көрсетілді.
