Белгілі қоғам және мемлекет қайраткері, Ұжымдық қауіпсіздік туралы шарт ұйымының (ҰҚШҰ) бас хатшысы Иманғали Тасмағамбетов Берел мемлекеттік тарихи-мәдени қорық—мұражайында болды, деп хабарлайды F16.kz.
Бұл туралы музейдің әлеуметтік парақшасында жазылды. Көне дәуірлерден сыр шертетін мұражай-қорықты аралаған Тасмағамбетов ондағы құнды жәдігерлермен жақын танысып, халқымыздың бай рухани мұрасын тамашалады. Құрметті қонаққа сонау сақ заманының жауһарлары, көне түркі кезеңінің мұралары көрсетілді.
Ел тарихының алтын арқауына айналған Берел ескерткіштерімен танысу — ұлттық жадымызды жаңғырту жолындағы маңызды қадам, – деп жазды berel_museum.
