ШҚО-да интернеттегі алаяқтардың жолын кесу, ақпараттық технологияларды пайдалану арқылы жасалатын құқық бұзушылықтармен күрес мақсатында «Hi-tech» жедел профилактикалық іс-шарасы басталды, деп хабарлайды F16.kz.
Құқық қорғау органдарының қызметкерлері азаматтарға заманауи кибералаяқтық түрлері туралы ақпарат беріп, жеке деректер мен азаматтардың қаржысын қорғау бойынша шаралар қабылдайды.
Егер сізге бейтаныс адамдар есептегіштерді ауыстыру, коммуналдық қызметтерді тексеру, SIM-картаның жарамдылық мерзімінің өтуі немесе басқа да себептерді сылтау етіп SMS-кодты, банк картасының деректерін немесе жеке ақпаратты сұраса ешқандай мәлімет бермеңіз, — деп ескертеді құзырлы орган өкілдері.
Полиция облыс тұрғындары мен қонақтарын барынша қырағы болуға шақырады.
Интернет-алаяқтық фактілерін анықтаған немесе күмән туындаған жағдайда бірден 102 нөміріне немесе жедел желі: 23-40-43 нөмірі арқылы хабарласыңыз.
Профилактикалық шара 5 қазанға дейін жалғасады
