Париж Олимпиадасының қола жүлдегері Ислам Сәтпаев Шымкент қаласында өтіп жатқан нысана көздеуден Азия чемпионатында топ жарды, деп хабарлайды F16.kz.
Туризм және спорт министрлігі Спортты дамыту дирекциясының баспасөз қызметінің мәлімдеуінше, ол пневматикалық винтовкамен 10 метрден оқ ату сайысының финалында 250.1 ұпай жинаған. Ал күміс жүлде иеленген қытайлық спортшы Лу Дингкенің қоржынында 249.8 ұпай бар. Оңтүстік Корея елінің мергені Пак Хаджун 228.7 ұпаймен үздік үштікті түйіндеп, қола медальға қол жеткізді.
Айта кетейік, Ислам осыған дейін 2021 жылы дәл осы Шымкентте өткен сары құрлық чемпионатында топ жарған болатын.
