ШҚО-да медицина қызметкерлерінің тапшылығы әлі де байқалады. Бүгінде өңірде 70-тен астам маман жетіспейді. Бұл туралы ШҚО әкімінің бірінші орынбасары Жақсылық Омар мәлімдеді, деп хабарлайды F16.kz.
Өңірдің денсаулық сақтау мәселелері бойынша облыстық алқа отырысында онкологиялық көмекті дамыту, ана мен бала денсаулығын қорғау және медициналық кадр тапшылығы мәселелері көтерілді.
Қазір облыста акушер-гинеколог (12), неонатологтар (6), анестезиолог-реаниматолог (19), педиатр (11) және жетіспейді жалпы практика дәрігерлері (24) жетіспейді.
Бұл жай ғана сандар емес. Әр санның артында үлкен жүктеме, адамдардың өмірі мен денсаулығына деген зор жауапкершілік тұр. 2026 жылдың бірінші жартыжылдығына дейін негізгі мамандықтар бойынша кадр тапшылығын кезең-кезеңімен жою керек, — деді Жақсылық Омар.
Сондай-ақ ол әрбір отбасының сапалы медициналық көмек алуына жағдай жасау керектігін атап өтті.
