Ертең, 7 қарашада Өскеменде мектеп бітірушілерге арналған Grant Fest фестивалі өтеді. Онда түлектерге жоғары оқу орындары, мамандықтар туралы ақпарат беріледі, деп хабарлайды F16.kz.
Фестивальге өңір мектептерінің 10-11 сынып оқушылары қатысады. Іс-шара барысында еліміздің жетекші жоғары оқу орындары, соның ішінде басқа қалалардағы университеттер де өздерінің білім беру бағдарламаларын таныстырады. Қатысушылар оқу орындары мен мамандықтар туралы толық ақпарат алып қана қоймай, жоғары оқу орны өкілдерінен жеке кеңес ала алады.
Grant Fest мақсаты – оқушыларға жоғары білімге қол жеткізуді жеңілдету, саналы таңдау жасауға көмектесу және білім беру саласындағы соңғы мүмкіндіктермен таныстыру.
Фестиваль бағдарламасы:
- Жоғары оқу орындарының көрмесі 14.00-15.00
- Конференция 15.00-17.00
Қатысу тегін.
Өтетін орны: Өскемен қаласы, Металлургтер мәдениет үйі (Назарбаев 68).
