6 шілде күні Марқакөлдегі Қалжыр өзенінде оқыс жағдай болды. Қайығы аударылып, өзі із-түссіз жоғалып кеткен ер адам әлі іздестіріліп жатыр, деп хабарлайды F16.kz.
ШҚО ТЖД баспасөз қызметі таратқан ақпаратқа сүйенсек, 6 шілде күні 112 арнасына қайықтың аударылып кеткені туралы ақпарат келіп түскен. Артынша қайықта 1956 жылғы ер адам болғаны анықталды.
Болжам бойынша, ол суға батып кеткен болуы мүмкін. Қазір оқиға орнында жедел штаб құрылып, арнайы іздестіру шаралары ұйымдастырылды. Іздеу аймағы 4 учаскеге бөлінген. Жұмыстар су көліктері арқылы өзен арнасында, жерде және дрондарды қолдану арқылы жүргізіліп жатыр, — дейді ШҚО ТЖД баспасөз қызметі.
Құтқарушылардың айтуынша, қатты ағыс пен өзге де табиғи кедергілер іздестіру жұмыстарын қиындатып жатқан көрінеді.
Өзен арнасына ағаштар құлаған, ағысы да қатты, таулы аймақ болғандықтан да жұмыстар қиындап жатыр, — дейді олар.
