Тарбағатайда «Жақсылық жасап жарысайық!» қамқорлық акциясы аясында мұқтаж отбасыларға 35 тонна көмір жеткізілді, деп хабарлайды F16.kz.
Акция аясында жергілікті кәсіпкерлер өз қаражаты есебінен аз қамтылған және көпбалалы отбасыларға қайырымдылық көмек көрсетті: 35 тонна көмір жеткізіліп, 20 азық-түлік себеті таратылды.
Бұл көмек бірқатар отбасының тұрмыстық жағдайын жеңілдетті. Игі іске ұйытқы болған азаматтар қоғамдағы жанашырлық пен әлеуметтік жауапкершіліктің жарқын үлгісін көрсетті. Осындай бастамалар ел ішіндегі бірлік пен мейірімді арттырып, өзгелерге де үлгі болары сөзсіз, — деп хабарлады аудан әкімдігінің баспасөз қызметі.
Аудан тұрғындары қамқорлық танытып, қайырымдылық ісіне үлес қосып жүрген азаматтарға алғыс білдірді.
