Шығыс Қазақстан облысында жұмыссыз азаматтарды сұранысқа ие мамандықтар бойынша қысқа мерзімді кәсіптік оқыту жалғасуда. Биыл бұл бағдарлама аясында 440 адамды қамту жоспарланған, деп хабарлайды F16.kz.
Кәсіптік оқыту азаматтарға жаңа құзыреттерді меңгеруге, біліктілігін арттыруға немесе жаңа кәсіп игеруге мүмкіндік береді.
Бүгінгі таңда кәсіптік оқуға 215 адамт оның ішінде 67 жас жолдаған. Бұған дейін тағы 42 адам оқуын аяқтап үлгерді.
Оқыту еңбек нарығының өзекті қажеттіліктері мен жұмыс берушілердің сұранысына сәйкес айқындалған кәсіптер мен мамандықтар бойынша ұйымдастырылады.
Мәселен, «Өскемен әуежайы» АҚ базасында 2025 жылғы қабылдау бойынша 46 жұмыссыз азамат оқып жатыр. Олардың 19-ы даярлық курсынан өтіп, үш адам Өскемен әуежайына жұмысқа орналасқан.
Мамандардың бір бөлігі Катонқарағай және Зайсан аудандарында салынып жатқан жаңа әуежайларға жұмысқа орналасады.
Қазіргі таңда әуежайлардың құрылысы жалғасып жатқандықтан, жұмыс берушілер дайындалған мамандарды әзірге штатқа қабылдай алмай отыр.
