Катонқарағай ауданының тұрғыны үйінде аса ірі мөлшерде марихуана сақтаған. Жедел іздестіру іс-шаралары барысында жеке үйі мен оның іргелес аумағындағы шаруашылық құрылыстарының бірінен жасырын орын анықталды, деп хабарлайды F16.kz.
Полиция қызметкерлері ас үй орындығының ішінен үш полимерлі пакетті тапқан. Пакеттердің ішінде ерекше иісі бар, қоңыр-жасыл түсті өсімдік тектес табылды.
Сонымен қатар басқа үй-жайдан есірткі шегуге арналған құрылғылар тәркіленді. Сараптама қорытындысына сәйкес, тәркіленген зат жалпы салмағы 1,7 килограмнан асатын кептірілген марихуана екені анықталған. Бұл көрсеткіш есірткі заттарының аса ірі мөлшеріне жатады, — дейді ШҚО ПД баспасөз қызметі.
Полиция қызметкерлері азаматтарды салауатты өмір салтын ұстануға және есірткі қылмысы мен нашақорлыққа қарсы күресте белсенді азаматтық ұстаным танытуға шақырады.
