«Алтай – түркі әлемінің алтын бесігі» халықаралық фестивалі қарсаңында Катонқарағай ауданына қатынайтын қоғамдық көлік қозғалысы күшейтіледі. Қонақтар мен фестиваль қатысушыларының көлікке деген сұранысын қамтамасыз ету мақсатында жолаушылар ағынына қарай «Өскемен – Катонқарағай» тұрақты автобус бағыты бойынша қосымша рейстер ұйымдастыру жоспарланып отыр, деп хабарлайды F16.kz сайты.
Қазіргі уақытта ауданға қатынас күн сайын қатынайтын «Өскемен – Катонқарағай» тұрақты автобус бағыты арқылы жүзеге асырылады.
Автобус Өскемен қаласынан сағат 08:10-да жолға шығып, Катонқарағай ауылына 12:30-да жетеді. Кері бағытта Катонқарағай ауылынан 14:00-де шығып, Өскеменге 18:30-да келеді.
Жол жүру құны – 4500 теңге.
Билеттерді Өскемен қаласы, Абай даңғылы, 8 мекенжайында орналасқан автовокзалдың билет кассасынан күн сайын 06:00-ден 20:30-ға дейін, сондай-ақ автовокзалдың ресми сайты арқылы тәулік бойы онлайн сатып алуға болады.
Билеттер сатылымы жолға шығатын күннен 30 күн бұрын басталады.
Жолаушылар үшін маңызды ақпарат:
— рейске отырғызу автобус жөнелгенге дейін 15 минут бұрын басталады;
— билет сату жөнелтуге 15 минут қалғанда тоқтатылады;
— жүк тасымалы бөлек төленеді, құны – 900 теңге (билет бағасының 20 пайызы);
— 7 жасқа дейінгі балалар жеке орын берілмеген жағдайда тегін жол жүреді;
— 7 жастан 15 жасқа дейінгі балаларға билет құнының 50 пайызы көлемінде жеңілдік қарастырылған, яғни билет бағасы – 2250 теңге.
Жолаушылар тасымалын ұйымдастыру мәселелері бойынша Шығыс Қазақстан облысының Жолаушылар көлігі және автомобиль жолдары басқармасына хабарласуға болады.
Байланыс телефондары:
— қабылдау бөлмесі: 8 (7232) 70-23-54;
— жолаушылар көлігі бөлімі: 8 (7232) 70-16-98.
Фестиваль күндері қосымша рейстердің іске қосылуы Катонқарағайға келетін туристер мен қонақтардың жайлы әрі қауіпсіз қатынауын қамтамасыз етуге мүмкіндік береді.
