Катонқарағай мемлекеттік ұлттық табиғи паркінің 24 жылдығына орай экологиялық ағарту және туризм бөлімінің басшысы Самат Елемесов арнайы төсбелгімен марапатталды, деп хабарлайды F16.kz.
Үлгілі қызметкердің есімі «Қазақстанның Алтын кітабына» енгізіліп, кеудесіне төсбелгі тағылды. Мәртебелі марапат құрмет иесіне салтанатты түрде табыс етілді.
Самат Қайратұлы Елемесов – Катонқарағай ауданы Барлық ауылының тумасы, жоғары білімді маман. Еңбек жолын 2005 жылы ұстаздықтан бастаған ол 2013 жылы Катонқарағай ұлттық табиғи паркіне инжинер-эколог қызметіне қабылданады. Кейін, туризм саласының маманы лауазымына ауыстырылып, 2021 жылы экологиялық ағарту және туризм бөлімінің басшысы болады. Қазір Самат туған жері – Катонқарағай өңірінің туризмін дамытуға үлес қосып, еңбектеніп жүр.
