Бүгін, 19 қаңтарда ауа температурасының төмендеуіне байланысты Шығыс Қазақстан облысының бірқатар ауданында мектеп оқушылары қашықтан оқыту форматына көшірілді, деп хабарлайды F16.kz.
Шығыс Қазақстан облысы білім басқармасының ақпаратына сәйкес, 19 қаңтарда қатты аязға байланысты Өскемен және Риддер қалаларының, сондай-ақ Алтай, Марқакөл, Самар, Зайсан, Күршім, Тарбағатай, Ұлан және Шемонаиха аудандарының барлық білім мекемелерінде бірінші ауысымда оқитын 0–11-сынып оқушыларына сабақ онлайн өтеді.
