Ауа райының күрт суытуына байланысты бүгін, 16 желтоқсанда Шығыс Қазақстан облысының бірқатар мектебінде сабақ онлайн форматқа ауыстырылды. Бұл туралы ШҚО ТЖД баспасөз қызметі мәлім етті, деп хабарлайды F16.kz.
Шемонаиха ауданында ауа температурасы -38 градусқа дейін төмендеуі себепті барлық білім мекемесінде сабақ онлайн форматқа көшірілді.
Тарбағатай ауданында 27 мектеп қашықтан оқытуға ауыстырылса, екі білім ошағы (Жаңаталап және Қонаев) штаттық режимде істеп тұр. Бұл өңірде күн -37 градусқа дейін суытқан.
Сонымен қатар ауа температурасының күрт төмендеуіне байланысты Өскемен қаласында, Алтай, Үлкен Нарын, Самар, Күршім, Зайсан, Глубокое аудандарында да оқушылар қашықтан оқиды.
Ескерте кетейік, нақты мектептің қашықтан оқыту форматына ауыстырылғанын немесе ауыстырылмағанын білу үшін жергілікті білім бөліміне хабарласу қажет.
