Елімізде биыл 1-сыныпқа құжат қабылдау уақыты өзгерді. Бұған дейін науқан 1 сәуірде басталады деп көрсетілсе, енді ол 27 мамырға шегерілді. Бұл туралы оқу-ағарту министрі Жұлдыз Сүлейменова мәлімдеді, деп хабарлайды F16.kz.
Министрліктің мәліметінше, бұрнағы қабылдау науқандарын талдау нәтижесінде осындай шешім шығарылған. Негізгі мақсат – құжат қабылдау процесін тиімді ұйымдастыру және мектептердегі оқу процесіне кедергі келтірмеу. Естеріңізге сала кетсек, биыл оқу жылы 25 мамырда аяқталады.
Қазір өтініш беру жүйесі тестілеуден өтіп жатыр. Ведомство өкілдері ата-аналарға барынша қолайлы жағдай жасалатынын атап өтті. Жаңа жүйенің мүмкіндіктері туралы қосымша ақпарат жарияланады.
Қазір база тексеріліп жатыр. Ата-аналарға барынша ыңғайлы жағдай жасалды, – деді министр.
Жалпы, 1-сыныпқа құжат қабылдау уақыты 31 тамызға дейін жалғасады.
