Бұл мереке жыл сайын қыркүйектің екінші жексенбісінде атап өтіледі. Биыл ол 14 қыркүйекке сәйкес келіп отыр, деп хабарлайды F16.kz.
Апта бойы еліміздің өңірлерінде отбасы институтын нығайтуға және дәстүрлі құндылықтарды насихаттауға бағытталған мәдени, білім беру және әлеуметтік іс-шаралар өтеді.
Мерекенің басты мақсаты – отбасы институтын нығайту, ұлттық дәстүрлер мен құндылықтарды насихаттау, ата-ана мен бала арасындағы қарым-қатынасты тереңдету. Бұл күн отбасылық татулық пен ұрпақтар сабақтастығының символына айналған.
Айтулы күн калай пайда болды?
Отбасы күні Қазақстанда алғаш рет 2013 жылы ресми түрде бекітілді. Содан бері жыл сайын тұрақты түрде аталып келеді. Бұл шешім қоғамдағы отбасының маңыздылығын арттыру және оның беріктігін қамтамасыз ету жолындағы маңызды қадамдардың бірі болды.
Қандай іс—шаралар өтеді?
Апта бойы еліміздің түкпір-түкпірінде мәдени, білім беру және әлеуметтік бағыттағы түрлі іс-шаралар өткізіліп жатыр.
Отбасы – адам өміріндегі ең алғашқы әрі маңызды әлеуметтік орта. Дәл осы ортада адам алғаш рет махаббатты, сыйластықты, жауапкершілікті, еңбекқорлықты сезінеді. Қоғамдағы тұрақтылық пен үйлесімділіктің негізі – мықты әрі тату отбасы. Сондықтан мемлекет тарапынан отбасы институтын дамытуға, бала тәрбиесіне, ата-ана мәртебесін көтеруге баса назар аударылып келеді.
