Қасым-Жомарт Тоқаев елімізде жаңа құрылым – Халық кеңесін құруды тапсырды. Жаңа орган Қазақстан халқы Ассамблеясы мен Ұлттық құрылтайдың кейбір функцияларын біріктіреді. Бұл туралы бүгін Қызылордада өтіп жатқан Ұлттық құрылтайда мәлім болды, деп хабарлайды F16.kz.
Халық кеңесі құрамында 126 адам болады, оның төрағаларын Президент тағайындайды. Кеңеске заң шығару бастамасы құқығы берілмек. Жиыны жылына бір рет өткізіледі.
Қазақстан халқы Ассамблеясының құзырында болған этносаралық және конфессияаралық келісім мәселелері Халық кеңесіне берілмек. Оған қоса әлемдік және дәстүрлі діндер көшбасшыларының съезін ұйымдастыру да жаңа органға жүктеледі.
Халық кеңесін Конституцияға енгізіп, жұмысына қатысты жаңа заңдар қабылдау көзделген.
