Биылғы қазан айында қазақстандықтарды ұлттық мереке – Республика күніне байланысты қосымша демалыс күні күтіп тұр, деп хабарлайды F16.kz.
2025 жылға арналған Қазақстандағы мереке және демалыс күндері күнтізбесіне сәйкес, биылғы қазан айында ел тұрғындары 9 күн демалады. Қосымша демалыс күні Республика күнін мерекелеуге байланысты беріліп отыр.
Ағымдағы жылы Республика күні сенбіге түсіп тұр. Заң бойынша, егер мемлекеттік мереке демалыс күніне, яғни сенбі немесе жексенбіге сәйкес келсе, онда демалыс бір күнге ұзарады. Осылайша, бес күндік жұмыс аптасында қазақстандықтар 25, 26 және 27 қазанда демалады.
Еске сала кетейік, Республика күні – елдегі жалғыз ұлттық мереке. Бұл мереке 1990 жылдың 25 қазанында мемлекеттік егемендік туралы Декларацияның қабылдануына байланысты тойланады.
Еске салайық, 2009 жылы Республика күні ресми мерекелер күнтізбесінен алынып тасталған болатын. Оны қайтадан мереке ретінде атап өтуді 2022 жылы өткен Ұлттық құрылтайда Президент Қасым-Жомарт Тоқаев ұсынған.
