Келер жылғы 1 қаңтардан бастап елде әлеуметтік маңызы бар аурулардың тізбесі қайта жаңартылады. Бұл туралы Астана қаласы әкімдігінің ресми сайты ақпарат таратты, деп хабарлайды F16.kz.
Тізімге енгізілген сырқаттары бар азаматтар мемлекет қаржысы есебінен қажетті медициналық бақылаудан өтіп, тегін дәрілік препараттармен және зертханалық зерттеулермен қамтамасыз етіледі. Денсаулық сақтау министрлігі бұл өзгерістерді халықтың әлсіз топтарына қолдауды күшейту және созылмалы аурулардың алдын алу жүйесін жетілдіру мақсатында енгізіп отыр.
Жаңартылған тізімге кіретін әлеуметтік маңызы бар аурулар:
- туберкулез;
- ЖИТС-инфекция;
- созылмалы вирустық гепатиттер мен бауыр циррозы;
- қатерлі ісік аурулары;
- психикалық және мінез-құлық бұзылыстары;
- миокард инфарктісінің алғашқы алты айы;
- жүйке жүйесінің дегенеративті патологиялары;
- орталық жүйке жүйесінің демиелинизациясы;
- сирек кездесетін аурулар;
- эпилепсия;
- инсульттің салдары (1 жылға дейінгі кезең).
