Шығыс Қазақстан облысындағы Бұқтырма өзенінде жаңа су электр станциясы салынады. Бұл туралы Алтай қаласының әкімі Сергей Охременко мәлім етті, деп хабарлайды F16.kz.
Оның айтуынша, жаңа нысан электр қуатына деген сұранысты өтеп, өңір экономикасының дамуына тың серпін бередіг.
Бұқтырма өзенінде салынатын станция құрылысы алдағы уақытта басталады. «Тұрғысын-2» компаниясы барлық тіркеу рәсімдерінен өтті. Қазір олар Қытайдың халықаралық су ресурстары корпорациясымен техникалық-экономикалық негіздеме әзірлеуге қатысты келісімшартқа қол қойды. Бұл құжаттар жиынтығы келер жылдың ортасына қарай толық дайын болуға тиіс. Жаз мезгілінде мамандар геологиялық барлау, геофизикалық өлшеулер және басқа да зерттеулер жүргізді. Жоспар бойынша су электр станциясын салу келер жылдың жазында басталады, – деді әкім.
Әкімдік мәліметінше, аталған нысан іске қосылғанда өңірдің энергетикалық қуаты артып, жаңа жұмыс орындары ашылады, бюджетке түсетін салық көлемі ұлғаяды.
