Бүгін Қазақстан халық партиясы (ҚХП) депутаттық фракциясының отырысында жаңа Конституция жобасы қаралды. Фракция жетекшісі Магеррам Магеррамов реформалардың басты мақсаты – азаматтарды шешім қабылдау процесіне белсенді қатыстыру екенін атап өтті.
2025 жылғы 8 қыркүйекте Президент Қасым-Жомарт Тоқаев ұсынған бір палаталы Парламент құру бастамасы Конституциялық реформаның негізі болды. Жұмыс тобы алты ай бойы 600-ге жуық Парламент реформасына, 1600-ден астам Конституцияға өзгеріс ұсыныстарын жинады. Ұлттық құрылтай арқылы Конституциялық реформаға бастама жасалып, комиссия құрылды, – деді Магеррамов.
Конституциялық комиссияға еліміздің барлық өңірінен және түрлі кәсіби салалардан 130 адам кіріп, 2000-нан астам ұсыныс қаралды. Нәтижесінде жаңа Конституция жобасы 30 қаңтарда ұсынылып, қазақстандықтар арасында кең талқыланып жатыр.
Жаңа Конституцияда Құрылтайдың өкілеттіктері кеңейіп, жаңа консультативтік орган – Халық кеңесі енгізіледі. Сонымен қатар вице-президент институты құрылады, бұл биліктің ауысуы кезіндегі жүйелік тәуекелдерді төмендетіп, мемлекетке алдын ала белгіленген сабақтастықты қамтамасыз етеді. Магеррам Магеррамов ҚХП фракциясы осы реформаны қолдайтынын айтты.
Депутаттар жаңа Конституцияның бірнеше маңызды тұстарын бөліп көрсетті:
-
Смирнова Ирина – толық жаңартылған преамбуласы.
-
Нұралин Асылбек – еңбек ету құқығын бекіту, партия сайлауалды бағдарламасымен үндес.
-
Кенжеғұл Сейтжан – азаматтардың құқықтары мен бостандықтарын мемлекет саясатының басты құндылығы ретінде қарастыру.
-
Ислам Сұңқар – жаңа Конституция елдің ғылыми және инновациялық бағыттарын айқындайды.
Фракция мүшелері жаңа Конституцияның берік іргетас болатынына, азаматтарға ел ісіне нақты әрекет арқылы қатысу мүмкіндігі беретіндігіне сенім білдірді.
