Киік етінің бір келісі 1600 теңге болып белгіленді. Бұл туралы Ауыл шаруашылығы министрлігі мәлім етті, деп хабарлайды F16.kz.
Естеріңізге сала кетейік, бұған дейін ауыл шаруашылығы министрі Айдарбек Сапаров киік етінің нақты бағасы 10 күн ішінде анықталатынын айтқан.
Қазір ет өңдейтін 18 кәсіпорын тіркелген. Киік еті де сол мекемелерге жеткізіледі. Онда ветеринарлық мамандар да жұмыс істейді. Баға, логистика және сату форматына байланысты одан арғы процесс анықталады, — деді ол Үкімет отырысынан кейін өткен баспасөз мәслихатында.
Елімізде киіктердің санын реттеу туралы шешім қабылданғаны белгілі. 2025 жылғы есепке сәйкес, аталған жануарлардың популяциясы 3,9 миллионға жетіп, 1974 жылғы тарихи максимумнан (1,2 млн) үш есе артқан.
