Шығыс Қазақстан облысының жолаушы көлігі және автомобиль жолдары басқармасы басшысының міндетін атқарушы болып Нариман Алмасұлы тағайындалды, деп хабарлайды F16.kz.
Бұған дейін жазғанымыздай, бұл шешім облыс әкімі Нұрымбет Сақтағановтың тапсырмасына сәйкес мемлекеттік қызметшілер арасындағы сыбайлас жемқорлық тәуекелдерін жою бағытында жүргізіліп жатқан жұмыстар аясында қабылданды.
Естеріңізге сала кетейік, Шнайдер көпіріндегі апаттан кейін облыс әкімінің хаттамалық тапсырмасына сәйкес құқық қорғау органдарының қатысуымен кешенді тексеріс жүргізілді. Нәтижесінде басқарманың бұрынғы басшысы Данияр Уахитовтың заңға қайшы әрекеттері анықталып, ол өз еркімен қызметінен кетті. Іс бойынша соңғы құқықтық бағаны уәкілетті органдар береді.
Облыс әкімдігі ашықтықты қамтамасыз ету, тәртіпті нығайту және мемлекеттік қызметшілердің жауапкершілігін арттыру бағытындағы жұмысты жалғастырып жатыр.
