Енді автомобильдің техпаспортын Kaspi.kz қосымшасымен ауыстыруға болады, деп хабарлайды F16.kz.
Жаңа сервисті Kaspi.kz командасы Ішкі істер министрлігімен, ІІМ Ақпараттық-өндірістік орталығымен, Жасанды интеллект және цифрлық даму министрлігімен бірлесіп әзірлеген.
Танымал қызметтерді онлайнға көшіру – мемлекеттік қызметтердің азаматтар үшін барынша ыңғайлы және қолжетімді болуына бағытталған жүйелі жұмыс. Kaspi.kz-те техпаспортты ауыстыру қызметінің іске қосылуы мемлекет пен бизнестің бірлескен жұмысы, бұл қызмет алу уақытын үнемдейді. Біздің міндет – сұранысқа ие сервистердің басым бөлігін бірнеше рет басу арқылы қолжетімді ету, — дейді ҚР жасанды интеллект және цифрлық даму вице-министрі Ростислав Коняшкин.
Техпаспортты ауыстыру үшін жүргізушілерге енді мамандандырылған ХҚКО-ға барып, өтініш жазып, кассада мемлекеттік баж салығын төлеудің қажеті жоқ.
