Облыс әкімдігінің кезекті отырысында қала және аудан әкімдіктерінің KPI көрсеткіші шығарылып, үздік және төмен нәтиже көрсеткен аудандар анықталды, деп хабарлайды F16.kz.
Айта кетейік, KPI-ға қалалар мен аудандарда іске асырылатын ірі жобалар енгізілді. Әр әкімге 2025 жылға арналған салық түсімдерінің өсімін қамтамасыз ету және нақты жобаларды жүзеге асыру бойынша көрсеткіштер белгіленген.
KPI көрсеткіштері бойынша Алтай, Үлкен Нарын, Зайсан және Ұлан аудандары көш бастап тұр. Бұл аудандарда көрсеткіш 100%-ға жетті. Одан кейінгі орындарда Тарбағатай (98,7%), Катонқарағай (98%), Риддер (94,9%), Күршім (91,2%), Глубокое (89,4%), Шемонаиха (83,9%), Марқакөл (73,9%) аудандары және Өскемен (73,6%) тұр. Ал ең төменгі көрсеткіш Самар ауданында тіркелді — 58,7%, – деді облыстық экономика және бюджеттік жоспарлау басқармасының басшысы Нұрсұлтан Маратов.
Өз кезегінде облыс әкімі KPI көрсеткіштерінің барлығын кесте түрінде нақты көрсетуді тапсырды.
Әр сала бойынша нақты көрсеткіштерді көрсету қажет. Сондай-ақ әр қала мен ауданның нақты қорытындысын шығарып, нәтижелі еңбек еткен және жұмыс көрсеткіші төмен әкімдердің тізімі дайындалсын. Рейтинг қорытындысы бойынша бірін ынталандырып, енді бірін жазалау керек, — деді облыс әкімі.
