Күршім ауданында нысаналы мақсаты бойынша пайдаланылмай жатқан жерлерді мемлекет меншігіне қайтару жұмыстары қарқынды жүргізіліп жатыр.
Биыл аудан әкімдігіне 4,5 мың гектар жерді қайтару міндеті жүктелген болатын. Алайда бұл көрсеткіш бес айдың ішінде бірнеше есеге артық орындалды, деп хабарлайды F16.kz сайты.
– 2026 жылға нысаналы мақсатына сай игерілмеген және пайдаланылмай жатқан 4,5 мың гектар жер учаскесін мемлекет меншігіне қайтару тапсырылған еді. Бес айдың ішінде жалпы аумағы 12 мың гектардан асатын жер мемлекетке қайтарылды, – деп хабарлады аудан әкімдігі.
Сонымен қатар, әкімдік жер учаскелерін ауыл шаруашылығы айналымына тарту мақсатында екі конкурс өткізілгенін атап өтті. Нәтижесінде жалпы аумағы 9,6 мың гектардан асатын 30-дан астам жер телімі шаруа қожалықтарын жүргізу үшін берілді.
