Жуықта әлеуметтік желілерде Бұқтырма су қоймасының үстінен салынған Күршім көпірі маңындағы санитарлық-гигиеналық тораптың фото—видео жазбасы тарады. Желі қолданушылары бір жақ қабырғасы қақыраған нысанның аянышты жағдайын қызу талқылай бастаған. Көп ұзамай «КазАвтоЖол» ұлттық компаниясы мән-жайды түсіндірді, деп хабарлайды F16.kz.
Компанияның мәлімдеуінше, еліміздегі ең ұзын көпірдің аузындағы бұл дәретхананы бұзып, басқа ауданның аумағына апарып орнатпақ. Дәлірек айтсақ, Самар жағалауында тұрған нысан енді Катонқарағай ауданына көшіріледі. Жол инфрақұрылымын жақсартып, республикалық трассаның бойындағы сервис деңгейін көтеру үшін осындай шешім қабылданған екен.
Бұл өңірдің туристік тартымдылығын арттырып, демалушыларға жайлы жағдай жасау мақсатында жасалған қадам, – деп түсіндірді «КазАвтоЖол» ұлттық компаниясы Шығыс Қазақстан филиалының өкілдері.
