Күршім аудандық Жастар ресурстық орталығының ғимараты толық жөндеуден өтті. Жұмысты мердігер компания «Water Membrane Technology» ЖШС атқарды, деп хабарлайды F16.kz.
Жөндеу барысында ғимараттың ішкі және сыртқы көрінісі жаңартылып, қосымша бөлмелер қосылды. Есіктер ауыстырылып, ыстық және суық су жүйелері жаңартылды, санитарлық торап заманауи талаптарға сай жабдықталды.
Сонымен қатар электр желілері, конференция залы, демалыс бөлмелері жаңарып, барлық қажетті жиһаздар мен құрал-жабдықтар толық жеткізілді. Спортқа арналған веложол мен жүгіру жолындағы тренажерлар орнатылды. Одан бөлек, сайлау комиссиясының жұмысына арналған екі кабинет ашылды.
Жаңарған Жастар ресурстық орталығы қоғамдық және әлеуметтік іс-шараларды жоғары деңгейде өткізуге толық дайын. Мұнда жастар өздігінен дамып, бос уақытын тиімді өткізе алады.
