Құрылыс нысандарының бірінде заңсыз жұмыс істеген 28 шетел азаматы ұсталды, деп хабарлайды F16.kz.
Шығыс Қазақстан облысында көші-қон саласындағы бақылау шаралары жалғасуда. Полиция қызметкерлері құқықбұзушылықтардың алдын алу және шетел азаматтарына елде болу талаптарын түсіндіру мақсатында рейд жүргізіп жатыр.
Шетел азаматтары көп жұмыс іздейтін орындар, атап айтқанда базар, кәсіпорын мен құрылыс алаңдарына тұрақты түрде тексеру жүргізіледі.
Сондай бір тексеру кезінде құрылыс нысандарының бірінде 28 адамның заңсыз еңбек еткені анықталды. Олардың жұмыс істеуге қажетті рұқсат құжаттары болмаған. Полиция қызметкерлері құқықбұзушылықтың жолын кесіп, әрбір шетел азаматымен түсіндіру жұмыстарын жүргізді. Оларға Қазақстан Республикасының заңнамасына сәйкес құжаттарды дұрыс рәсімдеу тәртібі жан-жақты түсіндірілді, — деді Өскемен қалалық полиция басқармасы.
Мұндай іс-шаралар «Заң мен тәртіп» қағидаты аясында тұрақты түрде жүргізіліп отырады.
