Карбышев көшесіндегі көпқабатты тұрғын үйлердің бірінде өрт шықты. Қас қағым сәтте 7-қабаттағы пәтер отқа оранды, деп хабарлайды F16.kz.
Оқиға орнына жедел жеткен өрт сөндірушілер қауіпті аймақтан жеті адамды эвакуациялады. Олардың арасында бір бала бар.
Құтқарушылар қою түтін тұмшалаған пәтерден 1954 жылы туған үй иесін алып шықты. Дәрігерлер тексергеннен кейін ол медициналық мекемеге жеткізілді.
Пәтердің 5 шаршы метр аумағын шарпыған өрт дереу сөндірілді. Мамандар төтенше оқиғаның себебін анықтап жатыр.
Төтенше жағдайлар қызметі тұрғындарды өрт қауіпсіздігі ережелерін қатаң сақтауға шақырады.
