ШҚО-да әлеуметтік маңызы бар азық-түліктің бағасын негізгіз қымбаттатқан кәсіпкер әкімшілік жауапкершілікке тартылды, деп хабарлайды F16.kz.
ШҚО бойынша сауда және тұтынушылардың құқықтарын қорғау департаментінің мәліметінше, Тарбағатай ауданындағы ауыл дүкендерінің бірінде кәсіпкер көкөніс өнімдерін қымбаттатып сатқан.
Бір келісі 170 теңгеден сатып алынған қырыққабат 250 теңгеден (47%), 130 теңгеден алынған пияз 250 теңгеден (92%) сатылған. Тексеру қорытындысы бойынша кәсіпкер ҚР Әкімшілік кодекстің 204-4-бабының 1-бөлігі бойынша жауапкершілікке тартылды, — дейді департамент өкілдері.
Еске сала кетейік, заңнамаға сәйкес әлеуметтік маңызы бар азық-түлік өнімдерінің бағасына қосылатын үстеме өндіруші немесе көтерме жеткізушінің бағасының 15%-нан аспауға тиіс.
