Мамыр айындағы мерекелерде елдегі жолаушылар сұранысының артуына байланысты «Жолаушылар тасымалы» АҚ қосымша шаралар қабылдады. Компания 6-11 мамыр аралығында халық көп қатынайтын бағыттарға қосымша 175 вагон шығаруды жоспарлап отыр, деп хабарлайды F16.kz.
Жолаушыларға 16 мыңға жуық қосымша орын дайындалды. Бұл шаралар мереке күндері билет тапшылығын болдырмау және халыққа қолжетімді ету мақсатында жасалып отыр, – деп мәлімдеді ұлттық тасымалдаушы компания.
Қосымша вагондар елдің ірі қалалары мен сұраныс жоғары бағыттарға қойылады. Атап айтқанда, Астана, Алматы, Павлодар, Түркістан, Атырау, Семей, Петропавл, Қызылорда, Ақтөбе, Қарағанды, Өскемен және басқа да өңірлермен қатар, Саратов пен Новосібір бағыттары қамтылады.
Еске сала кетейік, 7 мамыр — Отан қорғаушылар күні, ал 9 мамыр — Жеңіс күні. Биыл 9 мамыр сенбіге сәйкес келуіне байланысты демалыс күні 11 мамырға ауыстырылады. Осылайша қазақстандықтар 9–11 мамыр аралығында қатарынан демалады.
