Маңғыстау облысының мұнай өндіретін «Озенмунайгаз», «Маңғыстаумунайгаз», «Каражанбасмунай», Oil Services Company және Dunga Operating қатарлы кәсіпорындарының еңбек ұжымдары жаңа Конституцияны қолдайтындарын білдірді.
Кәсіпорындарда жұмыс істейтін ондаған мың қызметкер күн сайын тұрақты түрде табиғи байлық өндіруді қамтамасыз етіп, елдің мұнай-газ саласын дамытуға және экономиканы нығайтуға үлес қосып жатыр. Олардың үйлесімді жұмысы өңірдің энергетикалық қауіпсіздігін қамтамасыз етуге және әлеуметтік-экономикалық дамуына септігін тигізеді.
Еңбек ұжымдары конституциялық өзгерістердің маңызды екенін және олардың республиканың әрі қарайғы дамуы үшін стратегиялық мәні бар екенін атап өтті.
Біз еліміздің болашағы, тұрақтылығы, бірлігі, заңдылық пен тәртіп үшін дауыс береміз. Мемлекеттік билікті нығайтуға, қоғамды дамытуға және әр азаматтың жауапкершілігін арттыруға бағытталған бастамаларды қолдаймыз. Маңғыстау облысы мұнай кәсіпорындарының ұжымы жаңа Конституцияны қолдайды және барша қазақстандықтарды алдағы референдумда өз азаматтық ұстанымын білдіруге шақырады, – деді мұнайшылар.
Мұнай-газ саласы қызметкерлері жаңа Конституцияның қабылдануы тұрақты экономикалық өсімге, әлеуметтік әділеттілікке және мемлекеттің тәуелсіздігін нығайтуға сенімді негіз болатынын атап өтті.
